طريقة ستربس الدجاج المقرمش

الطريقة السهلة والسريعة لعمل ستربس الدجاج المقرمش

المكونات:

• ٤ صدور فراخ
• ٢ كوب دقيق
• ١ كوب نشا
• ٢ بيضة
• توابل(ثوم بودرة_بابريكا_فلفل أسود)
• خل وملح وليمون

طريقة تحضير ستربس الدجاج

• نغسل صدور الفراخ بمياه وخل وليمون ونقوم بتقسيم صدور الفراخ نصفين ونقطعهم صوابع بالطول
• نضيف عليهم التوابل وهى عبارة عن معلقة كبيرة توم بودر ومعلقة كبيرة بابريكا ومعلقة صغيرة فلفل أسود وملح
• نقلبهم مع بعض كويس جدا وبعدين نغطيهم وندخلهم الثلاجة لمدة ساعة
• نحضر خليط التغليف وهو عبارة عن كوبين دقيق وكوب نشا ونضيف عليهم معلقة بابريكا ومعلقة ثوم بودر ورشة ملح أسود ومعلقة صغيرة ملح ونقلبهم مع بعض
• نقسم الخليط ده جزءين جزء نضيف عليه بيضتين وكوب ماء مثلج ونقلب الخليط لغاية ما يبقى سائل ومفيهوش تكتلات
• بعد كدة هناخد قطع الفراخ وننزل بيهم في خليط البيض الأول ونقلبهم كويس وبعدين ننزل بيهم في خليط الدقيق اللي هو التغليف ونقلبهم كويس
• بعد ما أعمل الكمية كلها ندخلهم الثلاجة لمدة نصف ساعة

بعد ما أخرجهم من الثلاجة نقلي الإستربس في زيت ساخن ولا نقلبهم إلا بعد دقيقة وأول ما ياخد لون ذهبي نطلعه من الزيت على مصفاه أو شبكة

وبألف هنا وشفا