طريقه عمل البسله بالكبده والجزر

المكونات:-

• كيلو بسله خضراء 
• نص كيلو كبده بقرى او جاموسي
• حبتين جزر مقطع مكعبات
• حبتين بصل مبشور
• فلفل اخضر حامى 
• فصين توم مهروس
• كيلو طماطم عصير 
• بهارات ملح. فلفل ورق غار بهارات لحمه
• حبه ليمون خضرا 
• معلقتين خل 

طريقه التحضير :-

نحضر وعاء عميق على النار ونضع الزيت والبصل مع التقليب ونضيف الفلفل الحار والتوم ونقلب حتى تاخد اللون الدهبى نقوم باضافه البسله والجزر المقطع مكعبات مع التقليب المستمر على نار هادئه.

نقوم بغسل الكبده جيدا واضافتها للماء المغلى واضافه ورق لورا ولمونه وخل تغلى خمس دقائق وتصفى من ماء الغسل وتشطف بماء فاتر 

ونقوم باضافه الكبده على البسله ع نار هادئه تقلب خمس دقائق ونقوم باضافه عصير الطماطم واضافه البهارات فلفل وملح وبهارات لحمه ورشه جنزبيل وقرفه وتترك على النار حتى تمام النضج وبعد النضج تقدم فى بولات مع ارز بشعريه او. بالخبز المحمص ومخلل وسلطه خضراء وبكدا نكون انتهينا من وصفه النهارده وانتظرونى فى وصفه جديده والف هنا