حوار مع الكاتبة أسما السيد مؤلفة رواية أمنيات أضاعها الهوى

موقع معلومة في الإنجاز يقدم حوار راقي خاص وحصري بمعرض القاهرة الدولي للكتاب 2023 كما أن الموقع يدعم جميع الكتاب العربية التي تشارك في معرض القاهرة الدولي للكتاب 2023 ويتشرف بتواجدهم ونقدم لكم حوار أدبي مع الكاتبة أسما السيد  مؤلفة رواية أمنيات أضاعها الهوى المشاركة في معرض القاهرة الدولي للكتاب

ما هي إصدارتك الأدبية وأيهما أقرب لقلبك؟

الكتروني: سلسلة رحماكِ_ اصابك عشق_ نساء مقهورات _ لم اكن اهلا لها _ غجرية أسرت قلبي _ ذات الخلخال.

ورقي: أشتهي عناق _ أمنيات أضاعها الهوى

الاقرب لقلبي : رحماكِ_ غجريه اسرت قلبي 

لماذا سميت روايتك بهذا الاسم؟

صعب السؤال على فكرة بس انا عمري ما حطيت اسم على غلاف رواية ومش حساه فالاسم بينبع من جوايا اولا وبعد كده يجي أحداث العمل اللي بينطق بين السطور اسم العمل..

ماذا يعني لك مفهوم الرواية ؟

شويه لخبطة جوايا علي شوية شخصيات انا اللي بحرك احداثهم بالنسبة ليا الروايه أرواح شخصيات بتاخد مني وقت وجهد عشان اعرف أخرج برا مشاعرها واحداثها..بتعايش معاهم بروحي وبتفاعل معاهم كأني انا البطله.

لماذا يقتني القراء الروايات وليس الكتب ؟

الواقع بقي مفزع جدا واظن أن فكرة أنك تهرب من الواقع حتي لو بخيالك ومع شخصيات وهميه تتفاعل معاهم فكرة رائعه تخليك تحس ان الخيال فعلا حياة وتديك الامل في أن مش في حاجه مستحيله ودا حال المعظم حاليا الهروب من الواقع داخل شخصيات الروايه.

من وجهة نظرك هل الحياة عبث ؟

جدا قمة العبث..

معايير نجاح الكاتب من خلال خبرتك في مجال التأليف والإبداع 

لازم الكاتب يكون واعي وفاهم أنه بيخاطب فئة معينه فئة بتحب تهرب من الواقع داخل روايتك يبقي لازم يحط قدام عينه هدف واضح وسامي يخرج بيه القارئ يعني ميكونش ضيع وقت عالفاضي..

كمان لازم يكون الكاتب عندك قابلية التشكل مع أي فئة واي مشكله..يكون واعي وداري المشكله اللي هيناقشها مش اي كلام يكتبه وخلاص.

أسماء الكتاب المفضلين لديك 

كُثر لكني لن اذكر أحد.

ما هو العمل المشارك في معرض الكتاب القادم 2023  

أمنيات أضاعها الهوى 

أهمية الذاكرة وعامل الزمن في الرواية 

انا من الكتاب اللي بتنسي بسرعه بصراحه بس بعوض دا حاليا بأني اكتب كل شيء وارد نسيانه بنوت بوك 

عامل الزمن مهم في تتابع الأحداث ومنطقيتها لأن القاريء مش عبيط واكيد هيكون انطباع عنك وهو بيقرالك وهنا بيفرق بين الكاتب الواعي والكاتب اللي بيكتب والسلام.

نصيحه للقراء:

_ بلاش تجروا ورا روايات الاندر ايدج كفياكم احباط لكتاب قلمهم لو وجد الدعم منكم هيكونوا في مكان تاني..واقروا فصحي يا جماعه الفصحي عالم تاني 🙈

إحساسك إيه تجاه قرائك ؟

بحبهم كلهم انا من غيرهم ولا حاجه

حوار مع الكاتبة ياسمين إسماعيل مؤلفة رواية الكالا