إيمانًا من موقع معلومة في الإنجاز بدعم الشباب ننشر سلسلة حورات صحفية حصرية وخاصة بموقع معلومة في الإنجاز مع الكتاب والروائين المشاركين في معرض القاهرة الدولي للكتاب 2023، نقدم لكم حوار مع الكاتبة شاهندة سمير مؤلفةرواية سلسبيل
إصداراتي الأدبية الورقية
قسمتي (الجزء الأول)
العشق هو قسمتي(الجزء الثاني)
نيجار (روايتي المشتركة مع الكاتبة الجزائرية الرائعة زهرة فرح بغلول)
وأخيرا وليس آخرا (سلسبيل "القليل منكِ حياة")
وليا ٣٤ عمل الكتروني.
سميتها علي اسم بطلة من أبطال الرواية واللي كانت للبطل زي بقية البطلات لنصهم التاني ولروحهم العطشانة للحب زي السلسبيل .. القليل منه حياة.
لماذا سميت روايتك بهذا الاسم؟ وماذا يعني ؟
الرواية هي استكمال لمفهوم الجزء الأولاني منها واللي مآمنة بيه من زمان.. لكل واحد فينا نصه التاني اللي اتخلق ليه، هو وبس اللي معاه بنحس بالكمال، للأسف أوقات بيكون قدامنا ومبنشوفوش ونحس بيه بس بعد مانخسره.
لماذا يقتني القراء الروايات وليس الكتب ؟
في رأيي المتواضع اننا بقينا بنعيش حالة من الجفاف العاطفي اللي بنحتاج فيها رواية نعيش أحاسيس أبطالها اللي مفتقدينها في الحياة فعشان كدة بندور علي الروايات أما الكتب فمعلومات وواقع معتقدش بقي فينا عقل يستوعبه في وسط ضغوط الحياة الموجودة دلوقت.
من وجهة نظرك هل الحياة عبث ؟
الحياة عمرها ماكانت عبث.. هي مدرسة بنتعلم فيها طول عمرنا.. بنغلط وبنصلح غلطاتنا وفي الآخر بنكتشف انها بسيطة جداً لا تستاهل نشيل فها هم ولا نحزن فيها لحظة بس نعمل اللي علينا ونتوكل علي ربنا هو نعم المولي ونعم النصير.
معايير نجاح الكاتب من خلال خبرتك في مجال التأليف والإبداع
معايير نجاح الكاتب في وقتنا ده مش زي ماالناس فاهمين، مبتبقاش باضافة مشاهد حب ساخنة للرواية فتقوم تنجح.. نجاح رواية زي دي بيكون قصير وبعدها بتتنسي النجاح الحقيقي ان أختار فكرة بجد تستاهل الكتابة عنها.. أحضر ليها كويس.. بداية وحبكة وذروة أحداث وحل ونهاية سعيدة وبأكد سعيدة لإننا شعب عاطفي ومبنحبش نعيش الواقع
أسماء الكتاب المفضلين لديك
دينا إبراهيم.. مني لطفي.. دعاء عبد الرحمن.. كاردينيا الغوازي.. مروة جمال.. رضوي جاويش.. مروة نصار.. وسام أسامة.. وسام الأشقر.. نهلة عبد الواحد.. مي ياسين..صفية الجيار.. أماني الصغير.. زهرة فرح بغلول.. رحمة سيد.. منال سالم..شيماء فرح..وغيرهم كتير بس للأسف مش قادرة أفتكر اسماء منهم دلوقت.
ما هو العمل المشارك في معرض الكتاب القادم 2023
العمل المشاركة بيه في ٢٠٢٣ (سلسبيل.. "القليل منكِ حياة")
أهمية الذاكرة وعامل الزمن في الرواية
عامل الزمن في الرواية بيتلخص في ان أخطاء الآباء في الماضي بيكرروها الأبناء ومابين الرجوع للماضي والحاضر والدروس اللي اتعلموها زمان هنشوف ازاي هيقدروا يتغلبوا علي المشاكل ويفوزوا بأحبابهم من جديد.
نصيحه للقراء
نصيحتي للقراء انتقوا ماتقرأون.. عقولكم وقلوبكم بتتشكل بكل حرف وقيمكم ومبادئكم وحياتكم بتتأثر بيها فيارب دايماً تكونوا موفقين في اختياراتكم لحياة أفضل بإذن الله.
إحساسك إيه تجاه قرائك ؟
قرائي هم أكبر نعمة في حياتي بعد عيلتي.. وهم القادرين علي إسعادي بكلمة واحدة.. بتعليق يرفعني لسابع سما ويديني طاقة إيجابية وسعادة بتمناها ليهم وبس.. عايزة أقولهم إني لما بكتب بكتب عشانهم وبس.. عشان أسعدهم قد مابيسعدوني
حوار مع الكاتبة حبيبة إبراهيم مؤلفة رواية بيرانا
ما تعليقك
0 تعليق