إيمانًا من موقع معلومة في الإنجاز بدعم الجانب الثقافي وتسليط الضوء عليه من خلال نشر سلسلة حورات صحفية حصرية وخاصة بموقع معلومة في الإنجاز مع الكتاب والروائين المشاركين في معرض القاهرة الدولي للكتاب 2023، نقدم لكم لقاء ممتع مع الكاتبة دعاء الشاذلي مؤلفة رواية روح سجينة المشاركة في معرض القاهرة الدولي للكتاب 2023 .
ماذا سميت كتابك بهذا الاسم ؟وماذا يعني؟
يعني الروح اللي جوانا اللي مع ضغوطات الحياة إتسجنت جوانا أو يمكن ماتت
فالكتاب جه نداءاستغاثة للروح والوصول للسعادة الحقيقية
لأننا دايما بنسمع عن السعادة وإنها موجودة جوانا ووقت ما بنسمع ده بنحس إنه مجرد حبر على ورق
لكني لقيت إن السعادة الحقيقية فعلا إنك تكون إنت وروحك أصدقاء ف تبقى صادق وحقيقي تكون مراية جوة زي برة
فحبيت القارىء يوصل لصداقة مع روحه عشان يحس فعلا إن الحياة تستحق يعيشها
ماذا يعني لك مفهوم الرواية ؟
حكاية من واقعنا أو من الأساطير بنستمتع بيها ونعيش معاها وقت حلو بنخرج بيه من ضغوطاتنا شوية
من وجهة نظرك هل الحياة عبث ؟
أحياناً
لكن عارفة إنها ماشية بقدر الله يمكن مش بنقدر ناخد كل حاجة لكن بنرضى في الآخر وبنفهم إنها حكمة ربنا
لكن في وقت الإحباط واليأس أحياناً بفكر إنه الحياة ليست عادلة
معايير نجاح الكاتب من خلال خبرتك في مجال التأليف والإبداع ؟
كل حاجة بيكتبها طالعة من القلب
يكون عنده مفردات كتيير تخدم المعنى اللي بيكتب عنه
يكتب أي حاجة وكل حاجة وأي شعور وبعدها يظبطه براحته المهم ميبطلش يكتب
يوصل للناس يعني يكتب عنهم وعن مشاعرهم وعن كل مايخصهم
أسماء الكتاب المفضلين لديك ؟
ريتشارد تمبلر
د/محمد طه
وأي كتاب يشدني لأي مؤلف بقراه وبحبه
مش شرط المؤلف كل كتاب جيد هو كتاب يستحق الاقتناء
ما هو العمل المشارك في معرض الكتاب القادم 2023؟
روح سجينة
أهمية الذاكرة وعامل الزمن في الرواية ؟
الخيال والإبداع في أي وقت من الزمن
توظيف الخيال مع عامل الزمن
وكإننا بنعيش جوا الرواية وكأنها أحداث حقيقية
نصيحة للقراء ؟
يقرأوا دائما
ويفهموا كويس إن الكتاب الجيد يستحق الاقتناء مش مهم لمين أد ماهو فيه محتوى يحبه القارىء
ويعرفوا إن أي قارىء مشهور كان في وقت ما مبتدىء
ف ليه متجربش مع قارىء مبتدىء عنده محتوى رائع
ف مع كل كاتب مشهور تجيبله كتاب شوف كمان قارىء مبتدىء يوصلك اللي إنت بتحبه
إحساسك إيه تجاه قرائك ؟
بحبهم وفخورة بيهم وشرف ليا يكونوا متابعيني
وأنا كمان منهم على فكرة أنا قارئة وسأظل قارئة
القراءة أحلى إدمان في العالم
حوار مع الكاتبة ندا أحمد مؤلفة جوف شاغر